Жеңіс күні

Жеңіс күні — Қазақстанда мамырдың 9 (Батыс Еуропада мамырдың 8. Себебі Капитуляция актіне Орталық Еуропа уақыты бойынша 22:43, мамырдың 8 қолтаңба қойылды, ал Мәскеу уақыты бойынша бұл 0:43, мамырдың 9) мемлекеттік мереке болып табылады. «Қазақстан Республикасының мерекелері туралы» Заң нормаларында ұлттық мереке күндері демалыс болып саналады, ал демалыс күндері мен мереке күндері сәйкес келген жағдайда мейрам күнінен кейінгі жұмыс күндері демалыс күндері болып саналады.

Жеңіс ордені

2015 жылдың мамыр айында Астанадағы Жеңіс парад шеру кезінде әскери техниканың бөлігі.

1941—1945 жылдар аралығындағы Ұлы Отан соғысына 35 млн адам, соның ішінде 1,5 млн қазақстандық қатысты. Бұл республика халқының 18 бен 50 жас аралығындағы ересектердің 70 пайызы. Ұрыстардың алғы шебінде Қазақстаннан жіберілген 23 бірлестік, 50 шақты полктар мен батальондар шайқасты. Қазақстандықтар Мәскеу мен Ленинградты жанын қия қорғап, Украина мен Беларусьті, Балтық елдері мен Молдованы азат етуге атсалысты, Берлин шабуылына қатысты.

Ондаған мың қазақстандық ерен еңбегі мен ерліктері үшін марапатталса, бес жүзден астам адам Кеңес Одағының Батыры атанды, төрт адам бұл атаққа екі мәрте ие болды, 142 адам Даңқ орденінің толық жинағының иегері атанды.

Филателияда

• Қазақстан, 2000 ж.
• Румыния, 2015 ж.
• Үндістан, 1946 ж.
• КСРО, 1950 ж.
• Беларусь, 2015 ж.
• Украина, 2005 ж.
• КСРО, 1988 ж.
• Ресей, 2005 ж.
• Қазақстан, 2010 ж.
• ГДР, 1970 ж.

Нумизматикада

• Алтын 10 000 рубль, 2005 ж.
• Күміс 100 рубль, 2005 ж.
• Жез-мельхиор 10 рубль, 2005 ж.
• Күміс 500 теңге, 2015 ж.
• Қырғызстанның он сомы
• 10 рубль, 2000 ж.
• 100 рубль, 2000 ж.
• 3 рубль, 2010 ж.
• Қаһарман қалаларға арналған тиындар

Дереккөздер

Ортаққорда бұған қатысты медиа файлдар бар: Category:9 May Victory Day