ТАРТАР Porzana porzana қараторғайдан сәл үлкенірек шағын денелі 80 130 г құс Тартар IUCN3 1 Дүниесі ЖануарларЖамағаты Хо

ТАРТАР (Porzana porzana) - қараторғайдан сәл үлкенірек, шағын денелі (80- 130 г) құс.

Тартар

(IUCN3.1)

Дүниесі:	Жануарлар
Жамағаты:	Хордалылар
Табы:	Құстар
Сабы:
Тұқымдасы:
Тегі:	Porzana
Түрі:	P. porzana

Porzana porzana
Linnaeus, 1766

Биологиялық сипаттама

Бүкіл жабын қауырсыны шұбарланған қошқыл түсті болып келеді. Биік шөптердің арасымен оңтайлы жүгіреді, алайда зауықсыз ұшады да, жүзуден қашқалақтайды. Түнде өмір сүреді. «Тартар» деген атау «деуге тұрмайтын - кішкене» деген ұғымнан туса керек. Тартардың ұялау кезеңінде дөрекі жағымсыз ысқырығын іңір қараңғылығында жиі естуге болады. Ернеуі биік, ұқыпты жасалған ұясын батпақты шөптің ортасына, ылғалды шалғынға орналастырады. Салындыдағы 5-8 шұбар жұмыртқаларды ата-енелері 3 апта бойы басады. Балапандар кептірініп үлгерместен, денесін қошқыл мамық жауып, ата- енелерінің соңынан ілесуге болады.

Таралуы

Орта және Оңтүстік Еуропа, Алдыңғы Азияда, Сібірде, Солтүстік-Батыс Азияда таралған. Қазақстанда шөптесін батпақта және қорықшасы (батпақтанған көмескі орын) бар жерлерде орын теуіп, республиканың солтүстік жартысында ұялайды, оқта-текте қамыста да өмір сүреді. Тартарлар Қазақстанда наурыздың аяғынан қарашаға дейін кездеседі.

Дереккөз

1. Мектеп энциклопедиясы. Алматы: Атамұра, 2010.

Porzana porzana. Version 2013.2. (2012). Тексерілді, 26 Қараша 2013.

[1] Porzana porzana. Version 2013.2. (2012). Тексерілді, 26 Қараша 2013.