Еңбекші ауданы

Еңбекші ауданы — Шымкент қаласының әкімшілік-аумақтық бірлігі. 1973 жылы құрылған.

Қала ішіндегі аудан
Еңбекші ауданы
Әкімшілігі
Қаласы	Шымкент
Әкімі	Досбол Күздікбайұлы Есілбек
Аудан әкімдігінің мекенжайы	Шымкент қаласы, Толстой көшесі, №119
Тарихы мен географиясы
Құрылған уақыты	1973 жыл
Жер аумағы	206,6 км²
Уақыт белдеуі	UTC+5:00
Тұрғындары
Тұрғыны	290 194 адам (2023)
Ұлттық құрамы	қазақтар (63,8%), өзбектер (15,53%), орыстар (13,18%), басқалары (7,49%)
Сандық идентификаторлары
Телефон коды	+7 7252
Автомобиль коды	17
Шымкент қаласы Еңбекші ауданы әкімінің аппараты

Шекарасы

Еңбекші ауданы Шымкент қаласының оңтүстік-шығыс бөлігінде орналасқан. Еңбекші ауданының батыс бөлігі Әл-Фараби ауданымен шектеседі. Солтүстік бөлігі Қаратау ауданымен шектеседі.

Шекара С.Жандосов көшесі мен Жібек жолы даңғылының қиылысынан басталады.

Жібек жолы даңғылымен солтүстік-шығыс бағытқа бұрылып, ұзақтығы 5000 метр, К.Тіленшин көшесінің қиылысына дейін М.Әуезов көшесіне шығып, одан әрі темір жол бойымен (М.Қалмырзаев көшесі) Ибрагим ата және Момынов көшелерінің қиылысына дейін жетеді.

Ибрагим ата және Момынов көшелерінің қиылысынан Әл-Фараби көшесімен шығыс бағытқа бұрылып, ұзақтығы 1700 метр, Гозахан көшесінің қиылысына дейін жетеді.

Одан әрі Гозахан көшесімен оңтүстік бағытқа бұрылып, ұзақтығы 1700 метр, шаруа қожалығын жүргізуге арналған жерлерді айналып өтіп, Әмір Темір көшесінің қиылысына дейін жетеді.

Әмір Темір көшесімен оңтүстік бағытқа бұрылып, ұзақтығы 700 метр, Мукуми көшесінің қиылысына дейін жетеді.

Мукуми көшесімен оңтүстік бағытта Сайрамсу өзеніне дейін бұрылып, одан әрі өзенмен шығыс бағытта, ұзақтығы 20800 метр, шаруа қожалығын жүргізуге арналған жерлердің бойымен, "Тұрдыабад" тұрғын алабын, "Базарқақпа" тұрғын алабын айналып өтіп, Ю.Сареми көшесін қиып, одан әрі "Шапырашты" тұрғын алабын қаланың шығыс шекарасына дейін айналып өтеді.

Қаланың шығыс шекарасы бойымен оңтүстік-батыс бағытта, ұзақтығы 42500 метр, "Абдулабад" тұрғын алабындағы Озған ата көшесін Көксайек ауылы (Түркістан облысы Сайрам ауданы) бағытында "Елтай" тұрғын алабын, "Маятас" тұрғын алабын, "Тоғыс" тұрғын алабын, "Тоғыс" су қоймасын Түркістан облысы Төле би ауданының Әңгірата ауылы бағытымен айналып өтіп, Бадам су қоймасына жетеді.

"Бадам" су қоймасынан қаланың оңтүстік шекарасы бойымен батыс бағытта, ұзақтығы 18200 метр, "Оңтүстік" шағын ауданын айналып өтіп, одан әрі солтүстік-батыс бағытта "Жұлдыз" тұрғын алабын айналып, Қазығұрт көшесіне дейін жетеді.

Одан әрі Қазығұрт көшесінің қиылысынан солтүстік-батыс бағытқа бұрылып, ұзақтығы 6000 метр, шаруа қожалығын жүргізуге арналған жерлердің бойымен Қ.Тұрсынбаев көшесінің қиылысына дейін жетеді.

Қ.Тұрсынбаев көшесімен солтүстік бағытқа бұрылып, ұзақтығы 2160 метр, "Бадам-1" және "Береке" шағын аудандарының арасынан, Б.Саттарханов көшесіне жалғасатын Нұршашу көшесінің қиылысына дейін жетеді.

Б.Саттарханов көшесінің бойымен солтүстік-шығыс бағытқа бұрылып, ұзақтығы 3900 метр, Қамал көшесіне дейін жетеді, Баян батыр көшесімен өтіп, әрі қарай Шымкент қаласының теміржол вокзалы бойымен А.Анаров көшесіне шыға отырып, Төле би және Қапал батыр көшелерінің қиылысына дейін жетеді.

Қапал батыр және Төле би көшелерінің қиылысынан шығыс бағытта бұрылып, ұзақтығы 950 метр, Ақназар хан көшесімен Елшібек батыр көшесінің қиылысына дейін жетеді.

Одан әрі Елшібек батыр көшесінің бойымен солтүстік бағытқа бұрылып, ұзақтығы 3000 метр, Жібек жолы даңғылы мен С.Жандосов көшелерінің қиылысына дейін жетеді.

Әкімдері

1. Уәлихан Анарбайұлы Қайназаров (01.2005 - 09.2007)
2. Әлімжан Құртаев (08.2012 - 07.2013 года)
3. Ғалымжан Ілиясов (07.2013 - 06.2021)
4. Досбол Күздікбайұлы Есілбек (06.2021 бастап)

Дереккөздер

1. Үшінші мегаполистің үш ауданы 50 -ге толды
2. Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
3. Қазақстан Республикасы халқының жекелеген этностары бойынша саны (2022 жыл басына)