Жазықтық геометрияның негізгі ұғымдарының бірі Геометрияның жүйелі курсын тұжырымдағанда жазықтық ұғымы бастапқы ұғым ре

Жазықтық — геометрияның негізгі ұғымдарының бірі. Геометрияның жүйелі курсын тұжырымдағанда жазықтық ұғымы бастапқы ұғым ретінде алынады, ал оның жанама анықтамасы геометрия аксиомаларында беріледі. Жазықтықтың кейбір сипаттамалық қасиеттері мынадай:

егер түзудің екі нүктесі жазықтықта жатса, онда түзудің барлық нүктелері сол жазықтықта жатады;
жазықтық — берілген екі нүктеден бірдей қашықтықтағы нүктелердің жиыны. :азықтық — бірінші реттік алгебралық бет. Ол декарттық координаттар жүйесінде 1-дәрежелі теңдеумен берілуі мүмкін. Жазықтықтың жалпы (толық) теңдеуі былай өрнектеледі: Ax+By+Cz+D=0, мұндағы A, B, C, D — тұрақтылар.

Жазықтық. геологияда: Биіктік көрсеткішінің біркелкілігімен сипатталатын мейілінше ауқымды алқап. Бүкіл Жазықтық өңірінен көрініс беретін барша биіктік көрсеткіштеріндегі айырма кейде жүздеген метрге де жетуі мүмкін.

Тарихы

Жазықтықтың теңдеуі алғаш рет 1731 жылы француз математигі Алекси Клеронның(1713 - 1765) еңбектерінде кездескен.Жазықтықтың кесінділердегі теңдеуі 1816 - 1818 жылдары француз математигі Габриель Ламенің(1795 - 1870) еңбектерінде ұшырасқан.Жазықтықтың қалыпты теңдеуін 1861 жылы неміс математигі Отто Гессе(1811 - 1874) ұсынған.

Жанасу жазықтығы - беттің берілген нүктесі арқылы өтетін жазық.

Комплекстік жазықтық - комплекс сандарды геометриялық тұрғыда бейнелеуге арналған тікбұрышты декарттық координаттық жүйе және де абсцисса осінің бойына нақты сандар, ал ордината осі бойына - жорымал сандардың коэффиценттері салынатын жазықтық.

Координаттық жазықтық - координаттық екі осін қамтитын жазықтық.

Қима жазықтық - берілген денеге немесе жазықтыққа тиісті болатын бос(құр) емес жиын.

Қиюшы жазықтық - берілген дене мен қима жазықтық үшін ортақ болатын нүктелер жиыны.

Дереккөздер

Қазақ энциклопедиясы
Мұнай және газ геологиясы терминдерінің орысша-қазақша түсіндірме сөздігі. Жалпы редакциясын басқарған Қазақстанға еңбегі сіңген мұнайшы - геологтар Т.Н. Жұмағалиев, Б.М. Қуандықов, 2000 жыл. — 328 бет.
Математика әлемі: Жалпы орта білім беретін оқу орындарының(мектеп, гимназия, колледж, лицей) оқушылары мен студенттеріне және математика әуесқойлары мен көпшілік оқырмандарға арналған математикалық пәндік энциклопедия.Нұрқанат Көбенқұлұлы.

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ энциклопедиясы

[s1-2] Мұнай және газ геологиясы терминдерінің орысша-қазақша түсіндірме сөздігі. Жалпы редакциясын басқарған Қазақстанға еңбегі сіңген мұнайшы - геологтар Т.Н. Жұмағалиев, Б.М. Қуандықов, 2000 жыл. — 328 бет.

[3] Математика әлемі: Жалпы орта білім беретін оқу орындарының(мектеп, гимназия, колледж, лицей) оқушылары мен студенттеріне және математика әуесқойлары мен көпшілік оқырмандарға арналған математикалық пәндік энциклопедия.Нұрқанат Көбенқұлұлы.