Жітіқара Қостанай облысы Жітіқара ауданындағы қала аудан және Жітіқара қалалық әкімдігі орталығы ҚалаЖітіқараӘкімшілігіЕ

Жітіқара — Қостанай облысы Жітіқара ауданындағы қала, аудан және Жітіқара қалалық әкімдігі орталығы.

Әкімшілігі
Қала
Жітіқара

Ел	ҚазақстанҚазақстан
Статусы	Аудан орталығы
Облысы	Қостанай
Ауданы	Жітіқара
Ауылдық округі	Жітіқара
Тарихы мен географиясы
Координаттары	52°11′38″ с. е. 61°12′25″ ш. б. / 52.19389° с. е. 61.20694° ш. б. / 52.19389; 61.20694 ^(G) ^(O) ^(Я)Координаттар: 52°11′38″ с. е. 61°12′25″ ш. б. / 52.19389° с. е. 61.20694° ш. б. / 52.19389; 61.20694 ^(G) ^(O) ^(Я)
Құрылған уақыты	1880
Уақыт белдеуі	UTC+5:00
Тұрғындары
Тұрғыны	35 298 адам (2023)
Сандық идентификаторлары
Автомобиль коды	10
zhitikara.kostanai.kz
Жітіқара картада Жітіқара Жітіқара
Жітіқара шекарасы

Географиялық орны

Облыс орталығы – Қостанай қаласынан оңтүстік-батысқа қарай 215 км жерде, Шортанды өзенінің орта ағысының екі жағалауында, сұлыбас, бетеге, ақселеу өскен қоңыр қызыл топырақты дала белдемінде орналасқан.

Халқы

1999 жылы жергілікті тұрғындар саны 36359 адам (16520 ер адам және 19839 әйел адам) болса, 2009 жылы 33587 адамды (15239 ер адам және 18348 әйел адам) құрады.

Тарихы

Іргесі 20 ғасырдың бас кезінде Тобыл өзенінің жоғарғы ағысында ашылған Аққарға, одан кейін Жітіқара алтын кен орындарын игеруге байланысты қаланды. Алғашқы кезде «Веселый аул» деп аталды. 1913 жылы мұнда 12 алтын кеніші, 2 химия зауыты болған. Жылына 2,5 ц алтын өндіріліп, Ресейге жіберілетін. 1939 жылы жұмысшы кенті қалаға айналды. Жітіқарада 1959 жылға дейін алтын өндіріліп келді. 1960 жылы осы маңда хризотил-асбест кен орнының ашылуына байланысты қала тез қарқынмен өсіп, түгелдей жаңарды. Қаладағы асбест комбинаты, нан зауыты, ет және сүт, т.б. мекемелер «Қостанайасбест» акционерлік қоғамына, «Жітіқара жылу энергия компаниясы» мемлекеттік кәсіпорнына, т.б. біріктірілген.

Инфрақұрылымы

Әлеуметтік инфрақұрылымында 8 мектеп, 2 балабақша, мәдениет үйі, қонақ үй, 6 кітапхана, кинотеатр, аудандық аурухана, емхана, т.б. мекемелер жұмыс істейді. Қалада демалыс саябағы салынған. Тұрғындары темір жол және автомобиль жолы арқылы көрші елді мекендермен қатынасады.

Дереккөздер

Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
2009 жылғы Қазақстан Республикасы халқының Ұлттық санағының қорытындылары. Астана 2011. 1 том Мұрағатталған 8 желтоқсанның 2019 жылы.

Сыртқы сілтемелер

Қаланың ресми емес сайты Мұрағатталған 11 маусымның 2013 жылы.

[1] Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)

[source122-2] 2009 жылғы Қазақстан Республикасы халқының Ұлттық санағының қорытындылары. Астана 2011. 1 том Мұрағатталған 8 желтоқсанның 2019 жылы.