Иванов жотасы

Иванов – Кенді Алтайдың батысындағы Үлбі мен Үбі жоталарының аралығындағы жота.

Иванов жотасы
Сипаттамасы
Тау жүйесі	Алтай таулары
Биіктігі	2775 м
Орналасуы
50°17′00″ с. е. 83°45′00″ ш. б. / 50.28333° с. е. 83.75000° ш. б. / 50.28333; 83.75000 ^(G) ^(O) ^(Я)Координаттар: 50°17′00″ с. е. 83°45′00″ ш. б. / 50.28333° с. е. 83.75000° ш. б. / 50.28333; 83.75000 ^(G) ^(O) ^(Я)^(T)
Елдер	Қазақстан Шығыс Қазақстан облысы
Иванов жотасы (Қазақстан) Иванов жотасы
Иванов жотасы

Географиялық орны

Шығыс Қазақстан облысы жерінде. Басты бөлігі Риддер қалалық әкімдігіне қарасты аумаққа кіреді. Үлбі және Кіші Үлбі өзендерінің суайрығы.

Жер бедері, геологиялық құрылымы

Абсолюттік биіктігі 2775 м. Геологиялық құрылымы құмтас, әктас, қристалдық тау жыныстарынан түзілген.

Климаты

Климаты батыс жағында жатқан өңірлерге қарағанда ылғалды келеді. Қаңтардың орташа температурасы –22 – 24^°С, шілдеде 18-20^°С, биіктеген сайын 10-12^°С-қа төмендейді. Жауын-шашынның жылдық орташа мөлшері 1500 мм.

Өсімдігі

Жотаның төменгі беткейіндегі күңгірт қоңыр және қара топырағында шырша, қарағай, қайың, көктерек аралас орман өседі. Атырабы шабындық және жайылым.

Дереккөздер

1. “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9