Лайлы

Лайлы – Көкпекті алабындағы өзен.

Лайлы
Сипаттамасы
Ұзындығы	38 км
Су алабының ауданы	321 км²
Су алабы	Көкпекті өзені
Су ағысы
Бастауы	Қайыңдышоқ орманының (қонысының) оңтүстігіндегі бұлақтар
Сағасы	Құлажон өзенінің сол жағы
• Орналасқан жері	Казнаковка ауылы маңы
• Координаттары	48°53′07″ с. е. 83°21′28″ ш. б. / 48.88528° с. е. 83.35778° ш. б. / 48.88528; 83.35778 ^(G) ^(O) ^(Я)Координаттар: 48°53′07″ с. е. 83°21′28″ ш. б. / 48.88528° с. е. 83.35778° ш. б. / 48.88528; 83.35778 ^(G) ^(O) ^(Я)^(T)
Орналасуы
Ел	Қазақстан
Аймақ	Абай облысы Көкпекті ауданы

Географиялық орны

Абай облысы Көкпекті ауданы жерімен ағады. Ұзыңдығы 38 км, су жиналатын алабы 321 км², жалпы ұзындығы 36 км болатын 30-дан астам саласы бар. Ірілері: Оразбай, Жуандық.

Бастауы

Бастауын Қайыңдышоқ орманының (қонысының) оңтүстігіндегі бұлақтардан алып, Құлынжон ауылы маңында Құлажон өзеніне сол жағынан құяды.

Гидрологиясы

Лайлы қыстауына дейінгі арнасы жарқабақты, жарлауытты, одан төмеңде аңғары кеңейіп сайлы-жыралы өңірмен өтеді. Арнасында жыл бойы су болады. Негізінен жер асты және жауын-шашын суларымен толығады. Кей жылдары жазда Көкжыра ауылынан төменде ағысы қарасуларға бөлініп қалады. Самар ауылы маңында өзенге шағын бөген салынған. Алабының басым бөлігі техникалық дақылдарға арнап жыртылған, сондай-ақ өзен алабы шабындыққа және мал жайылымына пайдаланылады.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5