Обь

Об, Обь – Батыс Сібірдегі (Ресей) өзен. Ұзындығы 3650 км (Ертісті қоса алғанда). Су жиналатын алабының ауданы 2990 мың км².

Обь өзені
Обь өзенінің жоғарғы ағысы
Сипаттамасы
Ұзындығы	3650 км
Су алабының ауданы	2990 мың км²
Су алабы	Кар теңізі
Өзендердің су алабы	Солтүстік Мұзды мұхит
Су ағысы
Бастауы	Бия (Шүй) және Катунь (Қатын) өзендерінің қосылысы
• Координаттары	52°25′56″ с. е. 84°59′07″ ш. б. / 52.43222° с. е. 84.98528° ш. б. / 52.43222; 84.98528 ^(G) ^(O) ^(Я)^(T)
Сағасы	Обь өзенінің теңізге құйылған жері (Обская губа)→Кар теңізі
• Координаттары	66°47′00″ с. е. 69°08′00″ ш. б. / 66.78333° с. е. 69.13333° ш. б. / 66.78333; 69.13333 ^(G) ^(O) ^(Я)Координаттар: 66°47′00″ с. е. 69°08′00″ ш. б. / 66.78333° с. е. 69.13333° ш. б. / 66.78333; 69.13333 ^(G) ^(O) ^(Я)^(T)
Орналасуы
Ел	Ресей
Аймақ	Батыс Сібір

Бастауы

Алтайдағы Бия (Шүй) және Катунь (Қатын) өзендерінің қосылуынан пайда болған. Батыс Сібір жазығы арқылы кең аңғармен ағып, Кара теңізінің Обь кірмесіне, ауданы 4 мың км² атырау жасап құяды. Аңғарының ені 20 км, жайылмасы 6 км, тереңдігі 6 м.

Салалары

• Сол — Песчаная, Ануй, Чарыш, Алей, Барнаулка, Касмала, Шегарка, Чая, Парабель, Васюган, Үлкен Юган, Солтүстік Сосьва, Щучья, Сыня;
• Оң — Чемровка, Чумыш, Бердь, Иня, Томь, Ертіс, Чулым, Кеть, Тым, Киевский Ёган, Вах, Ватинский Ёган, Тромъёган, Пим, Лямин, Казым, Полуй.

Гидрологиясы

Салехард қаласы маңында орташа су ағымы 12500 м³/с. Негізінен қар, жаңбыр суымен толығады. Суының көтерілуі жоғарғы ағысында сәуір – маусым, төменгі ағысында қыркүйекке (40 – 45 км-ге жайылады) сәйкес келеді. Су ағынымен келетін қатты заттардың жылдық мөлшері 16 млн. т. Мұзқұрсау жоғарғы ағысында қарашадан сәуірдің аяғына, төменгі ағысында маусымның басына дейін. Орта ағысының сол жағалауында Юган қорығы орналасқан. Тұрақты кеме қатынасы бар. Об өзенінің саласы – Ертісте Өскемен-Бұқтырма СЭС-ры салынған. Балық аулау кәсібі дамыған.

Сыртқы сілтемелер

Үлкен Кеңестік Энциклопедия Мұрағатталған 6 қараша 2015.