Салма

Салма — 1) кеспе қамырынан жаңғақ тәрізді жасап, оларды бас бармақпен жабыстырып қайнататын татар тағамы; 2) ашытқылы қамырдан дайындалатын өнімдер үшін ет, балық, көкөніс және жарма жеміс және жидек салмаларын жасайды. Еттен дайындалатын салманы қуырылған немесе шикі еттен дайындайды. Ол үшін етті жуады, бөліктерге турайды да, майға қуырады. Содан кейін оны аз мөлшерлі суда бұқтырады. Бүқтырылған ет пен шала қуырылған басты пиязды еттартқыштан өткізеді, тұз, бұрыш және ақ соус қосады. (Соусты етті бұқтырған кезде алынған сорпада дайындайды.) Шикі еттен салма дайындау үшін оны еттартқыштан өткізеді, шала қуырылған басты пияз қосады да қуырады. Содан кейін еттартқыштан өткізеді, тұз, бұрыш, ақ соус қосып араластырады. Ет салмасына майдалап туралған қатты піскен жұмыртқа немесе пісірілген күріш қосуға болады. Қырыққабат салмасын шикі қырыққабатган дайындайды. Қырыққабатгы шабады, шарпиды, сығады да, маймен жөне кішкене сүт қосып, өз сөлінде пісіреді. Дайын қырыққабатқа тұз қосады. Майдалап туралған піскен жұмыртқа қосуға болады. Сүзбе салмасы үгілген сүзбеден, қанттан, жұмыртқадан, тұздан және ванилиннен дайындалады. Алма салмасы пен дайындалады. Бірінші әдісте алмаларды тұқым қорапшасынан тазалайды, тілімдеп турайды, қант, су қосады да, масса қоюланғанша баяу отта пісіреді. Екінші әдісте шикі алмаларды тілімдеп немесе текшелеп турайды, қант қосып қайнатады.

Дереккөздер

1. Қазақ тілі терминдерінің салалық ғылыми түсіндірме сөздігі: К54 Қоғамдық тамақтандыру.— Алматы: "Мектеп" баспасы, 2007. — 232 бет.ISBN 9965-36-414-1