Загрос парс Пaтаг Поштекух Иран таулы қыратының оңтүстік батыс бөлігін алып жатқан тау жүйесі Загрос тауыЗагрос тауының

Загрос (парс: Пaтаг, Поштекух) — Иран таулы қыратының оңтүстік-батыс бөлігін алып жатқан тау жүйесі.

Сипаттамасы
Загрос тауы
Загрос тауының ғарыштан көрінісі
Тау жүйесі	Иран таулы қыраты
Пайда болған кезеңі	Карстық процес, кембрий
Ұзындығы	1600 км
Ені	200-300 км
Ең биік шыңы
Биіктігі	4547 м
Орналасуы
27°40′ с. е. 53°40′ ш. б. / 27.667° с. е. 53.667° ш. б. / 27.667; 53.667 ^(G) ^(O) ^(Я)Координаттар: 27°40′ с. е. 53°40′ ш. б. / 27.667° с. е. 53.667° ш. б. / 27.667; 53.667 ^(G) ^(O) ^(Я)^(T)
Елдер	Иран, Ирак
Загрос тауы

Географиялық орны

Иран, Ирак елдері аумағында орналасқан. Ұзындығы 1600 км, ені 200 – 300 км.

Жер бедері

Тау бір-біріне қатарласа жатқан бірнеше (15 – 20) жоталардан тұрады, олардың араларын өзен аңғарлары мен қазаншұңқырлар бөледі. Орташа биіктігі 2000 – 3000 м. Ең биік шыңы – Зердкух (4547 м). Орта шеніндегі Бахтияр тауларыда едәуір биік (4000 м-ден асады). Аса биік шыңдарында мұздықтар кездеседі. Қар шебі 4000 – 4100 метр биіктікте өтеді.

Геологиялық құрылымы

Загрос тауы, негізінен, әктастан түзілген, карстық процестер кең дамыған. Сонымен қатар, мұнда кембрий заманының ашық тұзды мұнаралары (диаметрі 20 км-ге дейін) жиі кездеседі. Таудың оңтүстік-батысындағы тау алды жазықтарда мұнайдың мол қоры табылған.

Өсімдігі

Тау беткейлері, көбінесе, шөлді келеді. Оңтүстік-батыс беткейлерінде таулы шөл белдеуінен жоғары аласа ормандар орналасқан, құрамында емен, шегіршін және шаған бар. Ал тастақ беткейлерінде маквиске ұқсас өсімдіктер өседі. Ең биік белдеуде (2500 метрден 4000 метр аралығында) альпілік сирек ормандар мен тау шалғындары кең тараған.

Жоталар аралығындағы қазаншұңқырларды сорлар, көлдер және шұраттар алып жатыр. Шұраттарда құрма пальмасы, цитрусты өсімдіктер, жүзім көп өсіріледі. Загрос тауын Трансиран темір жолы мен бірнеше тас жолдар кесіп өтеді.

Дереккөздер

Қазақ энциклопедиясы, 4 том 3 бөлім

[1] Қазақ энциклопедиясы, 4 том 3 бөлім